Які сёння дзень: 15 мая 2023 года

© Pixabay / wal_172619Які сёння дзень: 15 мая 2023 года
Які сёння дзень: 15 мая 2023 года - Sputnik Беларусь, 1920, 15.05.2023
Падпісацца
Гэты дзень з'яўляецца сто трыццаць пятым па грыгарыянскім календары, да канца года засталося 230 дзён.
Сёння адзначаецца Дзень сям'і. Якія яшчэ падзеі адбыліся 15 мая і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 15 мая

У 1905 годзе ў газеце "Северо-Западный край" упершыню надрукаваны верш Я. Купалы "Мужык".
У 1971 годзе ў Лондане адкрыліся Беларуская бібліятэка і музей імя Францыска Скарыны.

Хто нарадзіўся 15 мая

1882 год: Уладзіслаў Галубок, беларускі драматург, акцёр і рэжысёр, заснавальнік беларускага савецкага тэатра.
1912 год: Анатоль Іверс, беларускі паэт.
1916 год: Ніна Тарас, беларуская пісьменніца.
1936 год: Барыс Сачанка, беларускі пісьменнік, перакладчык і выдавец.
1941 год: Мікалай Абабурка, беларускі мовазнавец.
1954 год: Наталля Чорнагалова, беларускі мастак-неаэкспрэсіяніст.
Таксама сёння нарадзіліся французскі навуковец-фізік П’ер Кюры і савецкі пісьменнік Міхаіл Булгакаў.

15 мая ў народным календары

Сёння праваслаўныя вернікі шануюць памяць нявінна забітых князёў Барыса і Глеба – малодшых сыноў князя Уладзіміра – хрысціцеля Русі.
Гэты дзень ў народзе празвалі салаўіным – менавіта ў сярэдзіне мая пачынаюць пець першыя салаўі. Калі 15 мая чулі салаўя, гэта было добрай прыкметай – ураджай хлеба будзе багаты.
Па салаўіных спевах таксама можна прадказаць надвор'е. Салаўі заўсёды маўчаць перад дажджом і навальніцай, а калі чакаецца добрае надвор'е, птушка можа спяваць усю ноч.
Стужка навiн
0