Які сёння дзень: 21 мая 2022 года

© Sputnik / Альфред МикусЯкі сёння дзень: 21 мая
Які сёння дзень: 21 мая - Sputnik Беларусь, 1920, 21.05.2022
Падпісацца на
НовостиTelegram
Гэты дзень з'яўляецца сто сорак першым па грыгарыянскім календары, да канца года засталося 224 дні.
Сёння адзначаецца Сусветны дзень культурнай разнастайнасці ў імя дыялога і развіцця. Якія яшчэ падзеі адбыліся 21 мая і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 21 мая

У 1794 годзе загадам Тадэвуша Касцюшкі ўтворана Вышэйшая народная рада Рэчы Паспалітай - вышэйшы заканадаўчы і адміністрацыйна-выканаўчы орган паўстання 1794 года.
У 1974 годзе быў пушчаны наваполацкі трамвай.

Хто нарадзіўся 21 мая

1797 год: Дамінік Стэфановіч, музыкант і прапагандыст музычнай культуры.
1869 год: Мікалай Чуркін, беларускі кампазітар і фалькларыст.
1898 год: Канстанцін Кіслы, беларускі музыкант, кампазітар, дырыжор.
1939 год: Валянціна Петрачкова, беларуская актрыса.
Таксама сёння нарадзіліся нямецкі мастак Альбрэхт Дзюрэр і амерыканская актрыса Файруза Балк.

21 мая ў народным календары

Сёння праваслаўныя вернікі шануюць памяць апостала і евангеліста Іаана Багаслова, які быў любімым вучнем Ісуса. Ён з'яўляецца аўтарам "Апакаліпсісу". Таксама ўспамінаюць Арсенія Вялікага і Арсенія Працавітага, хрысціянскіх святых, якія жылі ў IV i XIV стагоддзях.
Апостала Іаана ў народзе празвалі Янам Пшанічнікам. У гэты дзень сеялі пшаніцу, а гаспадыні рабілі пшанічныя пірагі, таму што верылі, што тады ўраджай зерня будзе добрым.
Калі 21 мая ідзе дождж, гэта прадвяшчае багаты ўраджай грыбоў. Калі ўвечары неба чырванее, гэта значыць, надвор'е будзе добрае.
Стужка навiн
0