Які сёння дзень: 30 чэрвеня 2022 года

© Sputnik / Альфрэд МікусЯкі сёння дзень: 30 чэрвеня
Які сёння дзень: 30 чэрвеня - Sputnik Беларусь, 1920, 30.06.2022
Падпісацца на
НовостиTelegram
Гэты дзень з'яўляецца сто восемдзесят першым па грыгарыянскім календары, да канца года засталося 184 дні.
Сёння адзначаецца Дзень астэроіда. Якія яшчэ падзеі адбыліся 30 чэрвеня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 30 чэрвеня

У 1898 годзе Адбыўся пуск трамвая ў Віцебску.
У 1984 годзе быў адкрыты рэгулярны рух цягнікоў на першай лініі Мінскага метрапалітэна.

Хто нарадзіўся 30 чэрвеня

1881 год: Павел Растаргуеў, беларускі мовазнаўца.
1931 год: Рышард Ясінскі, беларускі кінарэжысёр-дакументаліст.
1963 год: Валерый Песін, беларускі мастак-нонканфарміст.
1965 год: Лявон Юрэвіч, беларускі літаратуразнавец, крытык, бібліёграф, грамадскі дзеяч.
Таксама сёння нарадзіліся польскі паэт і празаік Чэслаў Мілаш і амерыканскі баксёр-прафесіянал Майк Тайсан.

30 чэрвеня ў народным календары

Сёння праваслаўныя вернікі шануюць памяць братоў-пакутнікаў Мануіла, Савела і Ісмаіла.
Па народных павер'ях, у гэты дзень здараюцца моцныя туманы, у якіх могуць блукаць прывіды і розная нечысць. Лічылася, што на Мануіла нельга нікому нічога пазычаць, а асабліва выносіць з хаты агонь.
У імені святога нашы продкі бачылі тоеснасць са словам "маніць", а таксама "падманваць", і лічылі, што нячысцікі ў гэты дзень асабліва імкнуцца ўвесці чалавека ў зман.
Добрае надвор'е прадвяшчала вясёлка, якая з'яўлялася ўвечары. Таксама калі ўначы была навальніца, наступны дзень абяцаў быць сонечным.
Стужка навiн
0