Які сёння дзень: 13 лістапада 2022 года

© Sputnik / Виктор ТолочкоЯкі сёння дзень: 13 лістапада 2022 года
Які сёння дзень: 13 лістапада 2022 года - Sputnik Беларусь, 1920, 13.11.2022
Падпісацца на
НовостиTelegram
Гэты дзень з'яўляецца трыста семнаццатым па грыгарыянскім календары, да канца года застаецца 48 дзён.
У гэты дзень у 1915 годзе ў Вільні адкрылася першая беларуская пачатковая школа. Якія яшчэ падзеі адбыліся 13 лістапада і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 13 лістапада

У 1915 годзе ў Вільні адкрылася першая беларуская пачатковая школа.
У 1918 годзе была апублікаваная пастанова УЦВК аб скасаванні Брэсцкага міру ў сувязі з паражэннем Германіі ў Першай сусветнай вайне.

Хто нарадзіўся 13 лістапада

1806 год: Эмілія Плятэр, беларуская фалькларыстка.
1884 год: Уладзімір Кудрэвіч, беларускі мастак.
1897 год: Аркадзь Аркадзьеў, беларускі акцёр і рэжысёр.
Таксама сёння нарадзіліся шатландскі пісьменнік і паэт Роберт Льюіс Стывенсан і амерыканская актрыса Вупі Голдберг.

13 лістапада ў народным календары

У гэты дзень праваслаўныя вернікі шануюць памяць святога Нікадзіма, які лічыўся заступнікам дамоў ад пажару.
Напярэдадні Кузьмінак, Дня каваля, які адзначаўся 14 лістапада, курэй пераводзілі ў зімовыя катухі або ўцяплялі куратнік. Слабую або старую птушку забівалі, і з яе гатавалі булён і пяклі курнікі – пірагі з мясам.
Працягвалі таксама адзначаць свята паляўнічых і рыбакоў. Рыбакі свой першы ўлоў прадавалі, а грошы звычайна пакідалі ў храме. З гэтым днём былі звязаны паляўнічыя прыкметы. Напрыклад, калі заяц перабег дарогу – да няўдачы. Калі мядзведзь залёг у бярлогу на ўзвышшы, вясной будзе паводка.
Калі ў гэты дзень ішоў дождж, гэта значыла, што непагадзь будзе яшчэ доўга.
Стужка навiн
0