Вадохрышча: традыцыі і парады
© Sputnik / Виктор ТолочкоАкунанне ў палонку, архіўнае фота
![Акунанне ў палонку, архіўнае фота Акунанне ў палонку, архіўнае фота - Sputnik Беларусь, 1920, 18.01.2024](https://cdnn11.img.sputnik.by/img/101370/44/1013704422_0:45:2501:1451_1920x0_80_0_0_037db154ef65a83086a8a0fa7c4fb099.jpg)
© Sputnik / Виктор Толочко
Падпісацца
На святочным вадохрышчанскім стале абавязкова павінна быць традыцыйная куцця, а акунацца ў палонку можна лепш пасля споведзі і прычасці.
Праваслаўныя хрысціяне адзначаюць Вадохрышча 19 студзеня. Sputnik распавядае пра гісторыю, добрыя традыцыі і катэгарычныя забароны аднаго з галоўных праваслаўных свят.
Евангельская гісторыя
Евангелле апавядае, што Ісус Хрыстос, каб прыняць хрышчэнне, прыйшоў да Іаана Хрысціцеля, які жыў у Вірфары каля ракі Іардан. Тады Збавіцелю было 30 гадоў. Убачыўшы яго, Іаан вельмі здзівіўся і сказаў:
"Мне трэба ў Цябе хрысціцца, а Ты прыходзіш да мяне?".
На гэта Ісус адказаў яму:
"Належыць нам выканаць усякую праўду".
© Public DomainАбраз "Богаз'яўленне", каля 1497 года Кірыла-Белазёрскі гісторыка-архітэктурны і мастацкі музей-запаведнік
![Икона Богоявление. Ок. 1497 г. Кирилло-Белозерский историко-архитектурный и художественный музей-заповедник Икона Богоявление. Ок. 1497 г. Кирилло-Белозерский историко-архитектурный и художественный музей-заповедник - Sputnik Беларусь, 1920, 19.01.2023](https://cdnn11.img.sputnik.by/img/07e7/01/12/1071335464_0:0:768:1016_1920x0_80_0_0_f4a6891c0ef8170de1e952a013026267.jpg)
Абраз "Богаз'яўленне", каля 1497 года Кірыла-Белазёрскі гісторыка-архітэктурны і мастацкі музей-запаведнік
© Public Domain
У гэты час неба адчынілася, і Святы Дух сышоў на Хрыста ў вобразе голуба. А голас з нябёсаў сказаў:
"Ты Сын Мой Любімы, Якога Я ўпадабаў".
Пасля свайго хрышчэння Ісус Хрыстос пайшоў у пустыню, каб у адзіноце, малітве і посце падрыхтавацца да выканання сваёй місіі. Сорак дзён Ён нічога не еў. Калі яны прайшлі, з’явіўся д’ябал і тры разы паспрабаваў спакусіць яго на грэх, але Ісус вытрымаў.
Што трэба рабіць на Вадохрышча
Святочную раніцу варта пачынаць з малітвы аб тым, каб хваробы абыходзілі вас і вашых родных бокам, сярод блізкіх панавалі мір і дабрабыт, а запаветныя мары ўвасабляліся ў жыццё. Дом неабходна асвяціць святой вадой.
![Освящение воды в праздник Крещения Господня Освящение воды в праздник Крещения Господня - Sputnik Беларусь, 1920, 19.01.2023](https://cdnn11.img.sputnik.by/img/103141/41/1031414174_0:0:2680:2048_1920x0_80_0_0_117e557f7558850261a49cc44b72e3ab.jpg)
Асвячэнне вады ў свята Вадохрышча
© Sputnik / Игорь Зарембо
/ Сны, якія вы ўбачылі ў ноч з 18 на 19 студзеня, лічацца прарочымі: іх неабходна запомніць, бо яны могуць спраўдзіцца. Вельмі сімвалічна – да вялікага шчасця – браць шлюб у гэтае свята і хрысціць дзяцей. Таксама продкі заўважалі: калі на Вадохрышча рабіць добрыя справы, то дабро вернецца ў стократным памеры.
Святую ваду, набраную на Вадохрышча, па традацыі захоўваюць увесь год: ёй можна акрапіць дом і піць на пусты страўнік.
© Sputnik / Виктор ТолочкоЛюдзі набіраюць асвячоную ваду ў царкве
![Минчане набирают освященную воду в минской Всехсвятской церкви Минчане набирают освященную воду в минской Всехсвятской церкви - Sputnik Беларусь, 1920, 19.01.2023](https://cdnn11.img.sputnik.by/img/103311/91/1033119134_0:0:3000:1997_1920x0_80_0_0_645aa0dd1e223662ed0385e0b407e8ed.jpg)
Людзі набіраюць асвячоную ваду ў царкве
© Sputnik / Виктор Толочко
Вада дапамагае як падчас хвароб, так і жыццёвых выпрабаванняў. Дарэчы, набіраць цэлую каністру не абавязкова: свяшчэннікі раяць набіраць маленькую бутэлечку, каб пасля разбавіць ваду ў большай ёмістасці і раздаць родным.
Напярэдадні свята вернікі прытрымліваюцца посту. На святочным стале 19 студзеня абавязкова павінна быць традыцыйная куцця з пшаніцы ці рысу з мёдам, разынкамі, макам і курагой, а таксама ўзвар, кашы, стравы з рыбы, варэнікі і здоба.
© Sputnik / Ларыса МятлеўскаяКуццявая вячэра
![Вігілійная вячэра Вігілійная вячэра - Sputnik Беларусь, 1920, 19.01.2023](https://cdnn11.img.sputnik.by/img/07e6/0c/17/1070466832_0:0:2730:2048_1920x0_80_0_0_64dc265b43d09c66a6e4c4505d9c23bc.jpg)
Куццявая вячэра
© Sputnik / Ларыса Мятлеўская
Што нельга рабіць на Вадохрышча
У святочны дзень забаронена працаваць і займацца любымі хатнімі справамі: напрыклад, мыць бялізну, рабіць уборку ў доме і нават шыць або вязаць.
Яшчэ ў дзень Вадохрышча забаронена варажыць: лічыцца, што гэта можа негатыўна паўплываць на лёс.
Адна з вадохрышчанскіх рэкамендацый – ніякіх лаянак. Бо ёсць такая прыкмета, што любая сварка ў доме можа апаганіць святую ваду. Так што свята прапануецца правесці ў цёплай хатняй абстаноўцы і абавязкова памаліцца разам з роднымі.
![Верующая во время богослужения в праздник Благовещения Пресвятой Богородицы Верующая во время богослужения в праздник Благовещения Пресвятой Богородицы - Sputnik Беларусь, 1920, 19.01.2023](https://cdnn11.img.sputnik.by/img/07e5/04/06/1047315497_0:0:3077:2048_1920x0_80_0_0_92b40ee2147a5d18613d4df59c2af1e9.jpg)
Мір у сэрцы – галоўнае пажаданне на свята
© Sputnik / Кирилл Каллиников
/ Ліць слёзы ў гэты дзень таксама нельга, інакш ёсць рызыка горка плакаць да наступнага Вадохрышча. Таксама вельмі строга забаронена скардзіцца, пляткарыць і паклёпнічаць нават на сваіх самых зацятых ворагаў. Адганяць ад сябе благія думкі трэба і тады, калі набіраеце ці п’еце святую ваду: яна можа страціць свае гаючыя ўласцівасці.
Згодна з прыкметамі, у гэты дзень нельга піць алкагольныя напоі, а тым больш ўжываць іх перад акунаннем у палонку: гэтым дзеяннем вы парушаеце рэлігійны абрад і ў дадатак рызыкуеце здароўем з медыцынскага пункту гледжання.
© Sputnik / Виктор ТолочкоСвята Вадохрышча ў Беларусі
![Праздник Крещения в Беларуси Праздник Крещения в Беларуси - Sputnik Беларусь, 1920, 19.01.2023](https://cdnn11.img.sputnik.by/img/07e5/01/13/1046669727_0:0:3000:2000_1920x0_80_0_0_8c7a7be5543bb1aabce3dfb89ddf6568.jpg)
Свята Вадохрышча ў Беларусі
© Sputnik / Виктор Толочко
І, зразумела, па традыцыі нельга апускацца ў ваду без споведзі і прычасці.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь