МІНСК, 3 сту — Sputnik. Новую дэпазітна-закладную сістэму вяртання тары рыхтуюцца ўвесці ў Беларусі да 2020 года, паведамляе Міністэрства жыллёва-камунальнай гаспадаркі.
Беларусь працягвае актыўную працу па рашэнні пытання другаснай перапрацоўкі тары. Аптымальны механізм працы новай сістэмы цяпер распрацоўвае спецыяльная міжведамасная група.
Мяркуецца, што ў тавар будзе ўключаны падатак на тару, а аўтаматы для яе збору з'явяцца ў харчовых крамах і супермаркетах. За слоік або бутэльку чалавек атрымае чэк, які можна будзе абнаявіць у касіра.
Тараматы актыўна выкарыстоўваюцца ў ЗША і краінах Еўрасаюза. Мяркуецца, што ў такіх умовах збор і перапрацоўка адходаў тары ў Беларусі ўзрасце да 80%.
У ведамстве лічаць, што ўкараненне сістэмы закране інтарэсы мноства суб'ектаў, напрыклад, аб'ектаў грамадскага харчавання і гандлю або вытворцаў напояў.