Першыя вопыты выкарыстання кампутарнай крыптаграфіі ставяцца да пачатку 90-ых гадоў мінулага стагоддзя. Тагачасныя электронныя аплатныя сістэмы былі цэнтралізаванымі. Першая з іх збанкрутавала ў 1998 годзе. Зноў да крыптаграфічных метадаў чалавецтва вярнулася амаль праз дзесяцігоддзе, з узнікненнем біткоіна.
"Тэма гэтая модная і на самай справе тут усё прасцей, чым здаецца. Блокчэйн, па сутнасці, новы тып базы дадзеных, у якім інфармацыя надзейна абаронена за кошт таго, што яна пэўным чынам шыфруецца. Толькі па тыпу гэтага шыфравальнага ключа можна атрымаць да яе доступ. Яна захоўваецца ў дэцэнтралізаваных розных сетках, на розных камп'ютарах, якія ўдзельнічаюць у працэсе шыфравання, працэсе бесперапынных матэматычных вылічэнняў", — распавёў Драбышэўскі.
Эксперт лічыць, што крыптавалюты, створаныя пры дапамозе гэтай тэхналогіі, з'яўляюцца больш надзейнымі, чым традыцыйныя аплатныя сродкі — іх складаней падрабіць. Але ёсць адна асаблівасць, якая выклікае боязь у прыхільнікаў традыцыйных сістэм разлікаў. Цяпер практычна любы чалавек можа стварыць сваю крыптавалюту для ўдзелу ў тых ці іншых фінансавых працэсах. Што можа паўплываць на ўстойлівасць існуючых банкаўскіх сістэм.
"З моманту, калі ў чалавецтва з'явіліся пластыкавыя карткі, ходзяць не толькі грошы, але і фінансавыя інструменты. Картка не ўтрымлівае рэальных грошай, гэта свайго роду даўгавое абавязацельства банка перад кліентам. Фактычна банк абавязваецца краме на працягу нейкага часу за нас заплаціць. Гэта прыводзіць да таго, што банкі пачынаюць гэтым злаўжываць, і тады ў іх узнікае дэфіцыт грашовых сродкаў. Перавага блакчейна у тым, што бескантрольна што-небудзь зрабіць у гэтай дэцэнтралізаванай сістэме немагчыма. У цэлым за кошт тэхналогіі гэта можа стратэгічна павысіць стабільнасць банкаўскіх сістэм", — лічыць Драбышэўскі.
Гутарку з Сяргеем Драбышэўская слухайце на радыё Sputnik Беларусь.