МІНСК, 18 сту — Sputnik. Назвай вуліцы, якая часцей за ўсё сустракаецца ў населеных пунктах Беларусі, з'яўляецца Цэнтральная, паведамілі ў Нацыянальным кадастравым агенцтве рэспублікі.
Зараз у НКА працягваюцца работы па фарміраванні рэестра адрасоў: за пяць гадоў (з 2013 года) спецыялісты агенцтва ўнеслі ў яго больш за 1,3 мільёна адрасоў будынкаў і ўчасткаў. Цяпер рэестр змяшчае звыш 5,5 мільёна зарэгістраваных адрасоў.
Як піша БелТА са спасылкай на НКА, самай папулярнай назвай вуліцы ў рэспубліцы з'яўляецца Цэнтральная. Іх у населеных пунктах Беларусі — 5056.
У тройцы лідараў таксама Маладзёжная (2166) і Садовая (2165).
Паводле інфармацыі агенцтва, зараз у Беларусі ёсць больш за 23,3 тысячы населеных пунктаў, з якіх гарадоў — 115.