МІНСК, 18 сту — Sputnik. Праваслаўная царква рыхтуецца сустрэць адно з галоўных святаў рэлігійнага календара — Богаяўленне, або Вадохрышча, паведамілі ў БПЦ.
Вадохрышча — гэта адзін з дванадзесятых святаў, большасць з іх заўсёды адзначаецца ў адзін і той жа дзень года.
"Сёння раніцай, 18 студзеня, у храмах ужо прайшоў чын Вялікага асвячэння вады", — паведамілі Sputnik ў чацвер у Беларускім экзархаце.
У галоўным праваслаўным храме — Свята-Духавым кафедральным саборы — Боскую літургію ўзначаліў прадстаяцель БПЦ мітрапаліт Мінскі і Заслаўскі Павел. Ён жа правёў чын Вялікага асвячэння вады, сказалі святары.
Як сказалі суразмоўцы Sputnik, 19 студзеня, непасрэдна ў дзень Вадохрышча Уладыка Павел у 10:00 у Кафедральным саборы ўзначаліць Боскую літургію, а таксама здзейсніць чын Вялікага асвячэння вады.
Святары растлумачылі, што 19 студзеня царква ўспамінае евангельскую падзею — як прарок Ян Прадвеснік хрысціў Госпада Ісуса Хрыста ў рацэ Іардан.
Вадохрышча, або Богаяўленне, адносіцца да дванадзесятых святаў, якія ў асноўнай сваёй масе прысвечаны зямному жыццю Хрыста. Вадохрышча царквой адзначаецца 8 дзён — у храмах праходзяць набажэнствы, адданне свята здзяйсняецца 27 студзеня. У гэты дзень пройдзе ўрачыстае завяршальнае набажэнства, распавялі Sputnik.