МІНСК, 30 сту — Sputnik. Нацыянальная акадэмія навук Беларусі сёння ўзнагародзіла прадстаўнікоў СМІ за лепшае прадстаўленне навуковых дасягненняў Года навукі, карэспандэнт Sputnik Станіслаў Андросік атрымаў дыплом за цыкл артыкулаў, прысвечаных гуманітарнай навуцы і беларускай археалогіі.
Рэдактар нацыянальнай версіі Sputnik Беларусь Станіслаў Андросік перамог у намінацыі "Лепшае прадстаўленне дасягненняў НАН Беларусі ў сетцы Інтэрнэт".
Ён прадставіў на конкурс цыкл матэрыялаў аб ролі навукоўцаў НАН Беларусі ў развіцці гуманітарных навук. Сярод прадстаўленых ім на конкурс артыкулаў былі матэрыялы аб археалагічных знаходках эпохі вікінгаў і каменнага веку.
Конкурс прайшоў у восьмы раз, журналістаў узнагародзілі ў чатырох намінацыях: "Лепшая публікацыя", "Лепшы сюжэт на радыё і тэлебачанні", "Лепшае прадстаўленне дасягненняў НАН ў сетцы інтэрнэт" і "Лепшая публікацыя ў навукова-папулярным выданні". У ім удзельнічалі 76 аўтараў з беларускіх СМІ, якія прадставілі на разгляд больш за 175 прац.