Самыя вядомыя ролі акцёра Вячаслава Ціханава

Акцёр нарадзіўся 8 лютага 1928 года ў звычайнай сям'і, вучыўся на інжынера і нават паспеў пастаяць за станком, перш чым яго захапіла мастацтва кіно. Рэжысёры з задавальненнем бралі яго ня ролі маладых герояў, напрыклад, у "Маладую гвардыю".

Затым былі ролі простага вясковага хлопца: "Надзвычайнае здарэнне" і "Справа ў Пянькове". І вось, нарэшце, роля ўсяго жыцця — Ціханаў сыграў Андрэя Балконскага ў эпапеі Сяргея Бандарчука "Вайна і мір". Вобраз запатрабаваў ад акцёра занадта вялікай самааддачы, аднак праца стала далёка не апошняй. Народнаму артысту было яшчэ наканавана стаць любімым шпіёнам савецкага гледача, хоць яго самога такі поспех не вельмі цешыў, бо для многіх ён цяпер быў Шцірліцам і нікім іншым.

Sputnik прапануе ўспомніць і іншыя таленавітыя ролі Ціханава: настаўнікі ў фільме "Дажывем да панядзелка", кантужанага салдата ў "Яны змагаліся за Радзіму", архіварыўса ў "Забіць дракона", пісьменніка ў "Белы Бім Чорнае Вуха".

1 / 14

Кадр з фільма "Справа была ў Пянькове" (рэжысёр Станіслаў Растоцкій). Вячаслаў Ціханаў у ролі Мацвея, Святлана Дружыніна ў ролі Ларысы. Акцёр сыграў першага хлопца на вёсцы, завадатара і выдумшчыка трактарыста Мацвея Марозава.

Перайсці ў медыябанк

2 / 14

Вячаслаў Ціханаў і акцёр Уладзімір Ван-Зо-Лі ў фільме "Надзвычайнае здарэнне" (рэжысёр Віктар Іўчанка). Акцёр сыграў адэскага матроса Віктара Райскага, вясёлага хлопца, які становіцца сапраўдным героем.

Перайсці ў медыябанк

3 / 14

Актрыса Ларыса Лужына ў ролі Святланы і Вячаслаў Ціханаў у ролі Суздалева ў ваеннай драме "На сямі вятрах" рэжысёра Станіслава Растоцкага пра каханне і гераізм.

Перайсці ў медыябанк

4 / 14

Кадр з кінафільма "Аптымістычная трагедыя", экранізацыя п'есы Усевалада Вішнеўскага 1963 года. Рэжысёр-пастаноўшчык Самсон Самсонаў. Актрыса Маргарыта Валодзіна ў ролі Камісара, Вячаслаў Ціханаў у ролі Аляксея.

Перайсці ў медыябанк

5 / 14

Ціханаў у ролі Андрэя Баалконскага ў фільме "Вайна і мір" (рэжысёр Сяргей Бандарчук), над якой артыст працаваў з неймавернай напругай сіл.

Перайсці ў медыябанк

6 / 14

"Калі я ўпершыню надзеў ласіны і батфорты, то не змог крока ступіць - ногі былі, як мыліцы. Мучыўся я з гэтым героем чатыры гады. Увесь гэты час нідзе больш не здымаўся: баяўся, што іншая роля перашкодзіць глыбей пранікнуць ў характар і ход думак гэтага чалавека. Але калі карціна была скончана, я не быў задаволены сваёй працай: мне здавалася, што ў Талстога дакладней і што ў мяне нічога не атрымалася", - успамінаў акцёр.

Перайсці ў медыябанк

7 / 14

Кадр з фільма рэжысёра Станіслава Растоцкага "Дажывем да панядзелка" (1968) кінастудыі імя М. Горкага. Вячаслаў Ціханаў - у ролі дырэктара школы Іллі Мельнікава.

Перайсці ў медыябанк

8 / 14

Рэжысёр Таццяна Ліёзнава і народны артыст СССР Вячаслаў Ціханаў у перапынку паміж здымкамі фільма "Сямнаццаць імгненняў вясны" паводле рамана Юліяна Сямёнава. "Фільм, які пазбавіў мяне прозвішча", - казаў Ціханаў.

Перайсці ў медыябанк

9 / 14

Кадр з шматсерыйнага тэлевізійнага мастацкага фільма "Сямнаццаць імгненняў вясны" вытворчасці кінастудыі імя М. Горкага. 1973 год. Аўтар сцэнарыя - Юліян Сямёнаў. Рэжысёр - Таццяна Ліёзнава. Штандартэнфюрэр СС Макс Шцірліц (палкоўнік Ісаеў) - Вячаслаў Ціханаў.

Перайсці ў медыябанк

10 / 14

Народныя артысты СССР Сяргей Бандарчук у ролі Звягінцава і Вячаслаў Ціханаў у ролі Стральцова ў фільме "Яны змагаліся за Радзіму".

Перайсці ў медыябанк

11 / 14

Кадр з фільма "Белы Бім Чорнае Вуха" (1977) рэжысёра Станіслава Растоцкага. У галоўнай ролі Вячаслаў Ціханаў. Справа - акцёр Іван Рыжоў, на другім плане - актрыса Валянціна Уладзімірава.

Перайсці ў медыябанк

12 / 14

Кадр з мастацкага фільма "Забіць дракона" (рэжысёр Марк Захараў, кінастудыя "Масфільм"). Выканаўцы галоўных роляў: народны артыст Вячаслаў Ціханаў і народны артыст РСФСР Алег Янкоўскі.

Перайсці ў медыябанк

13 / 14

Ірына Алфёрава (выканаўца ролі Вольгі Вінтэр) і Вячаслаў Ціханаў (зноў у ролі разведчыка генерала Канстанцінава) на здымках шматсерыйнага тэлевізійнага фільма "ТАСС упаўнаважаны заявіць".

Перайсці ў медыябанк

14 / 14

Ціханаў у эпізадычнай, але запамінальнай ролі ў фільме Мікіты Міхалкова "Стомленыя сонцам" (1994). У постсавецкі час Ціханаў здымаўся мала - змена каштоўнасцяў выклікала ў яго моцны ўнутраны дыскамфорт. Апошнія гады акцёр жыў на дачы на Міколінай гары. Пайшоў з жыцці 4 снежня 2009 года.

Балконскі, Шцірліц і іншыя - самыя вядомыя ролі Вячаслава Ціханава