МІНСК, 10 лют — Sputnik. Легендарны савецкі разведчык, ураджэнец Беларусі Аляксей Бацян, які зрабіў значны ўнёсак у ліквідацыю фашызму, адзначае ў суботу 101-ы дзень нараджэння.
Бацян стаў прататыпам галоўнага героя кнігі савецкага пісьменніка Юліяна Сямёнава "Маёр Віхр", па якой быў зняты аднайменны фільм. Разведчык прымаў непасрэдны ўдзел у аперацыі па выратаванні польскага горада Кракава ад знішчэння гітлераўскімі войскамі. Яго павіншаваў дырэктар Службы знешняй разведкі Расіі Сяргей Нарышкін.
"Для многіх расіянаў вы з'яўляецеся легендарным разведчыкам, на рахунку якога не адзін ратны подзвіг… Галоўнае, што хочацца вам пажадаць: добрага здароўя, бадзёрасці духу, жыццёвай энергіі, даўгалецця і, вядома ж, шчасця", — сказаў Нарышкін.
Аляксей Бацян нарадзіўся 10 лютага 1917 года ў беларускай вёсцы Чартовічы, якая ў той час знаходзілася пад уладай Польшчы. Служыў у польскай арміі, у складзе якой і прыняў першы бой з нямецкімі войскамі ў верасні 1939-га. Ужо будучы чырвонаармейцам удзельнічаў у бітве за Маскву, служыў у разведцы, часта перакідваўся за лінію фронту.
У 1944 годзе Бацян у складзе групы разведчыкаў праводзіў дыверсійную дзейнасць у Польшчы. Дыверсантам удалося знішчыць у Кракаве склад боепрыпасаў, якія прызначаліся для знішчэння горада. Перамогу Бацян сустрэў у Чэхаславакіі.
Пасля вайны ён працягнуў службу ў разведцы, кансультаваў розныя спецпадраздзяленні. Адзначаны рознымі ордэнамі і медалямі, а ў маі 2007 года яму было прысвоена званне Героя Расіі.