МІНСК, 13 лют — Sputnik. Беларускую канькабежку Марыну Зуеву дыскваліфікавалі на дыстанцыі 1500 метраў на Алімпійскіх гульнях у Пхенчхане, паведамляе Sputnik.
У панядзелак, 12 лютага, на алімпійскім лядовым авале пачаліся спаборніцтвы канькабежак на дыстанцыі 1500 метраў. Зуева выйшла на старт у трэцяй пары разам з прадстаўніцай Кітая Жуйнін Цянь.
Беларуска выйграла забег. Аднак пасля фінішу суддзі ўбачылі парушэнне правілаў праходжання дыстанцыі. Было прынята рашэнне дыскваліфікаваць прадстаўніцу Беларусі.
Спаборніцтвы па канькабежным спорце на дыстанцыі 1500 метраў у жанчын яшчэ працягваюцца.