МІНСК, 14 лют — Sputnik. Шэсць відаў дзіцячых цацак з Кітая былі забароненыя для продажу ў Беларусі з-за неадпаведнасці патрабаванням бяспекі, паведамілі Sputnik у аўторак у ГУ "Мінскі абласны цэнтр гігіены, эпідэміялогіі і грамадскага здароўя".
Дадзенае рашэнне было прынята намеснікам міністра аховы здароўя — галоўным дзяржаўным санітарным урачом Беларусі.
Так, па дадзеных цэнтра, забаранілі прадаваць у рэспубліцы цацачныя машынкі (з-за наяўнасці паху), цацку "Лізун" (змяшчае небяспечнае рэчыва гексан), гумовыя мячы, цацкі "Жывёлы ў дысплеі", "Мядзведзь" і "Набор жывёл" (утрымліваюць ацэтон).
Як адзначылі эпідэміёлагі, дадзеная прадукцыя не адказвала патрабаванням, устаноўленым тэхрэгламентам Мытнага саюза "Аб бяспецы цацак", а таксама БНіП "Патрабаванні да вытворчасці і рэалізацыі асобных відаў прадукцыі для дзяцей", "Паказчыкі бяспекі асобных відаў прадукцыі для дзяцей".