МІНСК, 14 лют – Sputnik. Выстава фарфору "Мой ікігай" пачне сваю працу ў Нацыянальным гістарычным музеі Рэспублікі Беларусь 1 сакавіка.
"Ікігай" у перакладзе з японскага значыць "сэнс жыцця", гэта паняцце характэрызуе адчуванне ўласнага прызначэння.
"Фарфор для Аляксандры Баўтрук — справа яе жыцця, яе ікігай. Аўтар глядзіць на свет праз пачуцці, адлюстроўваючы і зменьваючы ўбачанае на фарфоры", — расказалі ў музеі.
Сярод твораў Аляксандра Баўтрук ёсць і рэчы, выкананыя ў стылі еўрапейскай палацавай мастацкай класікі, і абстрактныя формы. Мастачка валодае ўнікальнымі тэхнікамі надпаліўнага роспісу па фарфоры, займаецца жывапісам на высакаякасным рэдкім фарфоры.
У музеі будуць прадстаўлены больш за 70 твораў аўтарскага фарфору.