Ледзяная Масленіца: як праводзілі зіму ў Батанічным садзе

Ледзяное пудзіла зімы з распасцёртымі рукамі сустракала гасцей Батанічнага саду, якія сабраліся паесці блінцоў, паслухаць музыку і ўвогуле прыемна адпачыць. Майстры добра пастараліся: ледзяныя скульптуры ўпрыгожылі сад і прастаяць там, пакуль не пацяплее да +5 градусаў. Ля выставы ледзяных скульптур разгарнуўся кірмаш з вырабамі беларускіх майстроў, а побач можна было пакаштаваць бліноў ды сагрэцца гарачай гарбатай. Арганізатары падрыхтавалі для маленькіх наведвальнікаў Батанічнага саду шмат гульняў і конкурсаў. Дзеці каталіся с гары на цыраце, абдымаліся з мядзведзем, танчылі з клоўнамі і фатаграфаваліся ля ледзяных скульптур.

1 / 16

Ледзяное пудзіла зімы сустракала гасцей Батанічнага саду.

2 / 16

Майстар выконвае скульптуру па эскізе з дапамогай спецыяльных інструментаў.

3 / 16

Зуб у гэтай гаргуллі ніяк не хацеў прыляпляцца, і скульптар прыдзірліва разглядае сваю працу.

4 / 16

Некаторыя ледзяныя скульптуры былі не зусім зразумелыя, але ўсё роўна дзівілі майстэрствам выканання.

5 / 16

Кветкі ў лёдзе - усё ж такі мы ў Батанічным садзе.

6 / 16

Гэты робат запускае ледзяны самалёцік.

7 / 16

На скульптурах, калі прыгледзецца, можна разглядзець "швы", там дзе стыкуюцца ледзяныя блокі, з якіх яны складзены.

8 / 16

Скульптары сцвярджаюць, што ўся гэтая прыгажосць прастаіць да таго часу, пакуль тэмпература не паднімецца да +5.

9 / 16

Побач з выставай ледзяных скульптур разгарнуўся кірмаш: студэнтаў з Кітая асабліва зацікавілі прадметы народнай творчасці.

10 / 16

Арганізатары падрыхтавалі для маленькіх наведвальнікаў шмат гульняў і конкурсаў.

11 / 16

Можна было пакатацца з горкі на цыраце.

12 / 16

Артысты забаўлялі гасцей музыкай і танцамі.

13 / 16

Блазан старанна дзьме ў сваю дуду.

14 / 16

Гарэзныя клоўны танцавалі і зазывалі народ.

15 / 16

Можна было сустрэць розных міфалагічных персанажаў.

16 / 16

На свяце ўсе ладна павесяліліся.