МІНСК, 23 лют — Sputnik. Старадрукаваныя выданні — "Евангелле" Пятра Мсціслаўца, "Біблію" Францыска Скарыны, "Новы Запавет і Псалтыр" — можна ўбачыць на выставе галаграм, якая напярэдадні адкрылася ў Нацыянальнай бібліятэцы Беларусі.
Наведвальнікі змогуць убачыць 150 галаграм на розныя тэмы. У ліку экспанатаў не толькі хрысціянскія рэліквіі, напрыклад, Крыж Ефрасінні Полацкай і Жыровіцкая ікона Божай Маці, але і расліны, жывёлы, арт-кампазіцыі, касмічныя караблі, партрэты людзей і многае іншае.
Безумоўная перліна калекцыі — старадрукаваныя выданні — "Біблія" Францыска Скарыны, "Евангелле" Пятра Мсціслаўца, "Новы Завет і Псалтыр". Яны прадстаўленыя ў галаграфічным "запісе" ўпершыню.
Усе прадстаўленыя выявы выкананы беларускімі майстрамі — прадпрыемствамі "Магія святла" і "Галаграфічная індустрыя".
Па словах стваральнікаў, рабіць галаграмы даволі складана. Для гэтага патрабуецца дарагое абсталяванне і спецыяльнае памяшканне. Працаваць над некаторымі з прадстаўленых у бібліятэцы экспанатаў прыйшлося ўначы, таму што для іх стварэння неабходная поўная цішыня і спакой, перашкодзіць можа нават нязначны гук. Стварэнне адной выявы займае ад некалькіх хвілін да некалькіх гадзін.
Сёння Беларусь з'яўляецца адной з немногіх краін на постсавецкай прасторы, дзе ствараюцца мастацкія галаграмы. Беларускія лідары па вытворчасці галаграм захоуваюць веды і традыцыі сусветна вядомага навукоўца Леаніда Таніна.