Упершыню ў Мінску праходзіць выстава "The Art of the Brick. Мастацтва Лега", якая ўжо заваявала знакамітыя галерэі свету ад Парыжа да Нью-Ёрка. У ТРЦ Galleria прадстаўлены маштабныя фігуры з мільёнаў кубікаў "Лега". Тут можна ўбачыць сусветна вядомыя статуі і партрэты знакамітых людзей.
Наведвальнікаў запрашаюць зазірнуць у тэматычныя залы: "Майстэрня мастака", "Сусветная культура" і "Эмоцыі і стану", а таксама наведаць вялікую гульнявую зону для гасцей усіх узростаў.
Аўтар скульптур, Натан Савайя — вядомы амерыканскі мастак з Нью-Ёрка. Яго выставы праходзілі ў лепшых музеях і галерэях свету, у тым ліку the Time Warner Centre ў Нью-Ёрку, the Art and Culture Centre ў Галівудзе, the Spot Gallery ў Парыжы.
Выстава працуе штодня з 10:00 да 22:00.