У пятніцу-суботу Мінск прымае пасяджэнне членаў Каардынацыйнага савета Еўрапейскіх алімпійскіх камітэтаў (ЕАК). У беларускую сталіцу таксама прыбыў кіраўнік ЕАК Янэз Качыянчыч, які ў чацвер правёў сустрэчу з прэзідэнтам Аляксандрам Лукашэнкам.
"Зараз мы толькі на сярэдзіне шляху, трэба будзе правесці яшчэ шмат працы. Таму заўчасна казаць аб тым, ці ёсць нейкія цяжкасці. Я не бачу ніякіх перашкодаў на дадзены момант, каб правесці паспяховую спартыўную падзею, якая па сваім маштабе не саступіць нават Алімпійскім гульням ", — сказаў Качыянчыч.
Ён выказаў упэўненасць, што спаборніцтвы пройдуць на самым высокім узроўні.
Еўрапейскія гульні 2019 пройдуць у Мінску з 21 па 30 чэрвеня 2019 года. У праграме спаборніцтваў — 15 відаў спорту.
Міжнароднае інфармацыйнае агенцтва і радыё Sputnik з'яўляецца інфармацыйным партнёрам Еўрапейскіх гульняў 2019.