Тое, што фільм мексіканскага рэжысёра Гільерма дэль Тора "Форма вады" атрымаў цалкам заслужаны "Оскар" у намінацыі "Лепшы фільм", ні для каго не стала сюрпрызам, адзначыў у гутарцы на радыё Sputnik філосаф, культуролаг, кінакрытык, загадчык сектара сацыяльнай філасофіі Інстытута філасофіі РАН Аляксандр Паўлаў. Таксама цалкам прадказальным апынуўся і "Оскар" самому рэжысёру.
"Гэты фільм, як гэта ні дзіўна, пад якім бы соўсам яго ні падавалі, суперпаліткарэктны, там усё гэта прагаворваецца на раз", — адзначыў кінакрытык.
Гільерма дэль Тора, на думку суразмоўцы, цалкам можа быць цікавым рэжысёрам і здымаць фільмы без аглядкі на грамадскую думку, але цяперашні фільм ён здымаў для таго, каб нарэшце атрымаць доўгачаканую ўзнагароду. Кінакрытык таксама падзяліўся сваім меркаваннем аб тым, што трэба паказаць у фільме, каб прысваенне "Оскара" стала падзеяй гарантаванай.
"Трэба ўзяць усе магчымыя меншасці і паказаць, наколькі яны былі няшчасныя. Мы бачым складаную культурна-палітычную сітуацыю ў ЗША ў 1963 годзе. Тады цяжка жылося жанчынам. Прычым прыбіральшчыцы, нямой, белай, у якой праблема з асабістым жыццём. Таксама мы бачым чарнаскурую жанчыну, якую дома трэціруе муж. Мы бачым гомасэксуальныя меншасці. Да гэтага трэба дадаць Іхтыяндра — нейкую сімвалічную меншасць. І вось гэтыя ўсе меншасці прыгнятаюцца белым гетэрасексуальным сямейным прафесіяналам, які проста сумленна выконвае сваю працу", — распавёў кінакрытык.
Фрагмент гутаркі з кінакрытыкам Аляксандрам Паўлавым слухайце на радыё Sputnik Беларусь.