МІНСК, 6 сак — Sputnik. Шэсць кінастужак прэтэндуюць на званне лепшага фільма года па версіі расійскай прэміі "Ніка", паведамляе РІА "Новости" са спасылкай на арганізатараў.
У ліку намінантаў фільмы "Арытмія" Барыса Хлебнікава, "Нялюбасць" Андрэя Звягінцава, "Халоднае танга" Паўла Чухрая, "Салют-7" Кліма Шыпенкі, "Цесната" Канцеміра Балагава і "Як Віцька Часнок вёз Лёху Штыра ў дом інвалідаў" Аляксандра Ханта.
Акрамя таго, Звягінцаў, Балагаў і Хлебнікаў намінаваныя на атрыманне ўзнагароды "За лепшую рэжысёрскую работу".
Нагадаем, што днямі кінастужка расійскага рэжысёра Андрэя Звягінцава "Нялюбасць" стала ўладальніцай нацыянальнай французскай кінапрэміі "Сезар", але не змагла абыйсці фільм чылійца Себасцьяна Леліа "Фантастычная жанчына" і засталася без "Оскара" у намінацыі "Лепшы замежны фільм".