Прапанаваць сваю работу на выставу "Я Манэ Я Шышкін Я Малевіч" мог любы жадаючы — абы толькі яго твор прайшоў праз дзверы. І вось нарэшце жыхары сталіцы могуць палюбавацца на творчасць сучасных беларускіх мастакоў рознага полу і ўзросту.
На гэты раз у экспазіцыі 323 работы — гэта ў два разы менш, чым у мінулым годзе, але тут і жывапіс, і графіка, і скульпрута, і габелены, і бацік, і фатаграфія. Ёсць сярод іх нават намаляваныя асадкай. Цікава, што зараз ў выставе прымаюць удзел не толькі пачынаючыя "героі", але і многія вядомыя мастакі. Нягледзячы на ажыятаж месца хапіла ўсім.
Наведаць выставу і прагаласаваць за ўпадабаныя працы можна да 8 красавіка.