МІНСК, 13 сак — Sputnik. Дзень судовага эксперта штогод будзе адзначацца ў Беларусі 22 красавіка, паведамілі Sputnik у прэс-службе кіраўніка дзяржавы.
Адпаведны ўказ, якім устаноўлена новае свята, Аляксандр Лукашэнка падпісаў у панядзелак 12 сакавіка.
"Свята будзе адзначацца 22 красавіка, гэта дзень падпісання прэзідэнтам у 2013 годзе ўказа аб стварэнні Дзяржаўнага камітэта судовых экспертыз", — сказалі ў прэс-службе.
Там таксама ўдакладнілі, што ўказ прыняты для павышэння прэстыжу дадзенай прафесіі судовага эксперта, а таксама развіцця традыцый у адпаведнай сферы дзейнасці.
У бягучым годзе спаўняецца пяць гадоў з даты стварэння ГКСЭ. У цяперашні час камітэт мае ўпраўленні ва ўсіх абласцях Беларусі і Мінску, а таксама тры падначаленыя арганізацыі. Спецыялісты ўстановы займаюцца правядзеннем мноства экспертыз, у тым ліку па крымінальных і грамадзянскіх справах, справах аб адміністрацыйных правапарушэннях, эканамічных справах, матэрыялах праверак па заявах пра злачынствы.