МІНСК, 16 сак — Sputnik. Яшчэ адным медалём папоўнілася скарбонка Беларусі на Паралімпіядзе ў Пхенчхане: беларуская спартсменка Лідзія Графеева атрымала бронзу ў біятлоне на дыстанцыі 12,5 кіламетра для атлетаў з парушэннем апорна-рухальнага апарата.
Спартсменка прайшла дыстанцыю за 50 хвілін 57секунд і дапусціла ўсяго адзін промах на агнявым рубяжы. Яе апярэдзіла Андрэа Эскау з Германіі з вынікам у 49 хвілін 41 секунду, якая і стала пераможцай. Срэбра заваявала амерыканка Аксана Мастэрс, якой спатрэбілася на гонку 50 хвілін.
Гэта другі медаль для Лідзіі Графеевай на Паралімпійскіх гульнях у Пхенчхане. Раней яна ўжо атрымала бронзавы медаль у біятлоне на дыстанцыі 6 кіламетраў.
Гэты бронзавая медаль Графеевай стаў дзясятым у паралімпійскай скарбонцы Беларусі. Краіна па-ранейшаму займае восьмае месца ў агульным медальным заліку з трыма залатымі медалямі, чатырма срэбнымі і трыма бронзавымі. Лідарам застаецца зборная ЗША, на рахунку якой 23 узнагароды.