МІНСК, 19 сак — Sputnik. Унікальную прыродную з'яву — паўночнае ззянне — маглі назіраць беларусы ў ноч з нядзелі на панядзелак.
У нядзелю на Зямлі назіралася магнітная бура, узровень магутнасці якой ацэньваўся як умераны (G2).
Як паведаміў Sputnik, астраном-аматар Руслан Завадзіч, фота паўночнага ззяння яму ўдалося зрабіць у раёне населенага пункта Бераснёўка паблізу Бярэзінскага біясфернага запаведніка.
Паводле прагнозаў сонечнай актыўнасці, у ноч з панядзелка на аўторак на планеце магнітных бур не будзе, таму ўбачыць яшчэ адно паўночнае ззянне ў бліжэйшы час не ўдасца.