МІНСК, 20 сак — Sputnik. Поспехі творчай моладзі дапамогуць Беларусі перастаць лічыцца terra incognita ў сучаснай культуры, заявіў Аляксандр Лукашэнка.
Паводле яго слоў, ён верыць, што менавіта творчыя пошукі і поспехі моладзі ў сферы мастацтва дапамогуць гэтага дамагчыся.
"Для гэтага трэба імкнуцца дарыць сваё мастацтва па ўсім свеце, бо яно існуе па-за геаграфічных і палітычных межаў", — даваў наказ моладзі Лукашэнка.
Сустрэча прэзідэнта Беларусі з творчай моладдзю праходзіць у сценах Беларускага дзяржаўнага маладзёжнага тэатра, дзе разгарнулася выстава дасягненняў сучаснага мастацтва Беларусі. На думку стваральнікаў, экспазіцыя прэзентуе сплаў традыцый і сучасных дасягненняў у айчыннай культурнай сферы.
На мерапрыемства запрошана амаль трыста прадстаўнікоў усіх сфер культурнага жыцця краіны.