МІНСК, 26 сак — Sputnik. Чатырохкратная алімпійская чэмпіёнка Дар'я Домрачава заявіла, што працяг кар'еры залежыць ад яе адчуванняў, паведамляе "Біятлон online".
Чарговы біятлонны сезон завяршыўся ў мінулыя выхадныя ў Цюмені. Домрачава на заключным этапе Кубка свету атрымала дзве перамогі — у спрынце і мас-старце. У агульным заліку беларуска заняла трэцяе месца, саступіўшы 18 балаў лідэру фінцы Кайсе Мякярайнен.
"Рашэнне аб завяршэнні кар'еры будзе залежаць ад маіх адчуванняў. Важна ўсё пакласці на шалі і ўзважыць усе нюансы. Я ж яшчэ і мама. У мяне падрастае дачка, якая са сталеннем патрабуе ўсё больш маёй увагі. Любую справу важна рабіць добра, таму мне трэба вельмі добра пра тое падумаць і вынесці вердыкт", — сказала Домрачава.
Яна заўважыла, што ў зборнай Беларусі цяпер няма лаўкі запасных. "Калі раптам нешта здарыцца з кім-небудзь з каманды, то замяніць няма кім. Важна, каб падрастала новае пакаленне, і за намі была армія юніёраў", — патлумачыла біятланістка.
Домрачава сказала, што званне алімпійскіх чэмпіёнак дадае адказнасці, і яе партнёры па камандзе — Надзея Скардзіна, Ірына Крыўко і Дынара Алімбекава — годна з гэтым спраўляюцца. "Я бачу, наколькі яны матываваныя, хочуць змагацца, змагацца і паказваць добрыя вынікі. Думаю, што перадсезонная падрыхтоўка будзе праходзіць у добрым, пазітывам і энергічна ключы", — сказала Домрачава.
Раней яна заявіла, што пасля Цюмені адправіцца разам з сям'ёй у Нарвегію.