МІНСК, 26 сак — Sputnik. Сіноптыкі папярэдзілі аб складаных умовах надвор'я, якія чакаюцца ў Беларусі ў бліжэйшыя дні, паведамілі ў Белгідрамеце.
Па дадзеных сіноптыкаў, пасля адносна цёплых выхадных у краіну вернецца мінусавая тэмпература, асабліва ў начны час, і мокры снег.
"27 сакавіка ноччу і раніцай па паўднёва-ўсходняй палове краіны пройдуць дождж і мокры снег. Ноччу і раніцай будзе 0 — мінус 6, днём тэмпература не перавысіць 1-4 градусаў", — паведамілі Sputnik у панядзелак сіноптыкі. Па іх словах, у асобных раёнах чакаюцца слабыя туман і галалёд.
28 сакавіка ў Беларусь будзе паступаць халоднае паветра з паўночных шырот. У асобных раёнах чакаецца ў асноўным снег, мокры снег, сказалі ў Гідрамеце. "Тэмпература паветра мінімальная ноччу —1..- 8°С, па паўночным усходзе —9..-11°С, максімальная днём —1..+4°С", — удакладнілі сіноптыкі.
Па іх словах, 29 сакавіка днём уся Беларусь апынецца ў зоне актыўнай франтальнай сістэмы, якая перамяшчаецца з Заходняй Еўропы. Ноччу па паўднёвым захадзе, раніцай і днём на большай частцы тэрыторыі краіны чакаецца снег, мокры снег, па паўднёвым захадзе з дажджом. У асобных раёнах слабая мяцеліца, ноччу і раніцай слабы галалёд. "Тэмпература паветра мінімальная ноччу будзе —1..-8°С, па паўночным усходзе —9..-12°С, максімальная днём —2..+4°С, па паўднёвым захадзе да +6°С", — удакладнілі ў Гідрамеце.