У пятніцу 30 сакавіка ў Маскве адбылася цырымонія развітання з Алегам Анофрыевым — народным артыстам Расіі, талент, голас і вобраз якога гадаваў пакаленні савецкіх дзяцей, ён быў сапраўдным носьбітам аптымізму і пазітыву ў кіно і ў музыцы.
Вядомы расійскі кінакрытык Аляксандр Шпагін стварыў вобразны партрэт артыста і распавёў аб нечаканых фарбах таленту Анофрыева — імітатара.
"У першую чаргу, ён успамінаецца па песнях, па выдатнаму ўменню імітаваць самыя розныя галасы. Каго ён толькі не агучваў за кадрам ў песенным выглядзе! Ён спяваў дуэтам "сам з сабой" на розныя галасы, як у фільме "Гардэмарыны наперад", і гэта была галасавая імітацыя на вышэйшым узроўні. Ён быў і кампазітарам, і аўтарам 15 мюзіклаў, якія ставілі ў тэатрах краіны, да таго ж да гэтых работ ён сам пісаў лібрэта і тэксты, што ўнікальна", — распавядае Шпагін.
Развітацца з народным артыстам Расіі Алегам Анофрыевым у Цэнтральную клінічную бальніцу ўпраўлення справамі прэзідэнта, прыйшлі дзеячы культуры і мастацтва, а таксама прыхільнікі яго таленту. Алег Анофрыеў пайшоў з жыцця 28 сакавіка ва ўзросце 87-мі гадоў і будзе пахаваны ў пятніцу 30 сакавіка на Аксіньінскіх могілках у Падмаскоўі побач з домам, дзе ён жыў.
Каментар Аляксандра Шпагіна слухайце ў аўдыёзапісе на радыё Sputnik Беларусь.