Беларусы з асаблівай увагай сочаць за кар'ерай ураджэнца беларускага горада Хойнікі Віктара Ганчарэнкі, які цяпер трэніруе расійскі футбольны клуб ЦСКА, таму матч у Лондане, дзе падапечныя Ганчарэнкі саступілі "Арсеналу" з лікам 1:4, выклікаў у беларускіх прыхільнікаў футбола павышаны ўзровень перажыванняў.
Вядомы расійскі журналіст, публіцыст і кваліфікаваны заўзятар Алег Дзмітрыеў пракаментаваў на радыё Sputnik Беларусь вынікі матча ЦСКА — "Арсенал" і нюансы трэнерскай працы беларускага спецыяліста.
"Незалежна ад выніку, я лічу, што горад Хойнікі можа ганарыцца Віктарам Ганчарэнкам, таму што ён ужо пераступіў імідж мясцовага трэнера адной каманды. Гэта трэнер міжнароднага ўзроўню. Ён стараецца прымаць да ўвагі модныя міжнародныя схемы гульні. Калі б ён гэтага не рабіў, то Галавец ніколі б не забіў першы гол", — кажа Дзмітрыеў.
На думку суразмоўцы, недахоп падбору гульцоў у абароне не дапамог трэнеру ЦСКА дамагчыся лепшага выніку, але і той, што ёсць, ужо вельмі годны.
"Я не згодны, што гэта параза з вялізным лікам. Першы тайм ён адыграў як мог, вядома, абарона падкачала. Але ёсць яшчэ другі матч. Будзем рэалістамі, наўрад ці ўдасца прайсці "Арсенал" і забіць ім тры мячы, але ў Арсэна Венгера цяпер складанае становішча, і мне здаецца, што Ганчарэнка ведае, што робіць, ён вызначыў сваю стратэгію", — адзначае Дзмітрыеў.
Каментар Алега Дзмітрыева слухайце ў аўдыёзапісе на радыё Sputnik Беларусь.