МІНСК, 8 кра — Sputnik. Беларусь падала афіцыйную заяўку ў Міжнародную шахматную федэрацыю аб правядзенні Сусветнай шахматнай алімпіяды ў 2022 годзе, паведамілі ў эфіры "Беларусь 1".
Прэзентацыя заяўкі ад Беларусі адбылася ў час пасяджэння савета пры прэзідэнце ФІДЭ. Мерапрыемства прайшло з удзелам міністра спорту і турызму Сяргея Кавальчука, старшыні Мінгарвыканкама Андрэя Шорца, віцэ-прэзідэнта ФІДЭ Георгіёса Макропуласа.
Сяргей Кавальчук уручыў прадстаўніку Міжнароднай шахматнай асацыяцыі заяўку па правядзенне ў Мінску Сусветнай шахматнай алімпіяды праз чатыры гады.
На дадзены момант афіцыйна пра свае амбіцыі правесці прадстаўнічы шахматны форум ў 2022 годзе заявіла толькі Беларусь. Заяўкі будуць прымацца ў ФІДЭ да 31 мая гэтага года.
У выпадку ўхвалы беларускай заяўкі напярэдадні шахматнай алімпіяды ў Мінску пройдзе Кубак свету сярод мужчын. У яго рамках сустракаюцца 64 самыя моцныя шахматысты ў свеце.
Рашэнне аб месцы правядзення Сусветнай шахматнай алімпіяды ў 2022 годзе будзе прынята ў канцы верасня гэтага года.