Прэзідэнт Беларусі Аляксандр Лукашэнка ў аўторак 10 красавіка наведаў Белтэлерадыёкампанію, дзе сустрэўся з кіраўнікамі вядучых дзяржаўных СМІ і журналістамі і падкрэсліў асаблівы сэнс журналісцкага слова ў сучасным свеце.
"Мы не павінны даваць сябе ў крыўду як у ваенным, так і ў інфармацыйным дачыненні. Сёння "гарачай" вайны без вайны інфармацыйнай быць не можа, усё пачынаецца з вас. На пярэдні план выходзіце вы — журналісты. Ваша задача — фарміраваць канструктыўны грамадскі погляд праз своечасовую, аб'ектыўную падачу матэрыялу, шчыры, удумлівы дыялог з аўдыторыяй. Сёння людзі стаміліся ад інфармацыйнай памыйніцы, у якую нас спрабуюць акунуць, выкарыстоўваючы сусветную павуціну", — сказаў Лукашэнка.
Фрагмент гутаркі прэзідэнта Беларусі Аляксандра Лукашэнкі з журналістамі слухайце ў аўдыёзапісе на радыё Sputnik Беларусь.