МІНСК, 12 кра — Sputnik. Фільм расійскага рэжысёр Кірыла Сярэбранікава "Лета" пра маладога Віктара Цоя і піцерскую рок-атмасферу ўвайшоў у конкурсную праграму 71-га Канскага фестывалю, паведаміў на прэс-канферэнцыі генеральны дырэктар фестывалю Цьеры Фрамо.
Фрамо таксама адзначыў, што арганізатары фестывалю маюць намер адправіць Сярэбранікаву запрашэнне, каб ён асабіста прадставіў у Канах сваю новую карціну. Фестываль, які адносіцца да вышэйшай катэгорыі А, пройдзе на Блакітным беразе з 8 па 19 мая.
Аднак не выключана, што трапіць у Каны рэжысёр не зможа. У цяперашні час ён знаходзіцца пад хатнім арыштам як абвінавачаны па справе аб махлярстве ў асабліва буйным памеры. Расійскае следства мяркуе, што пры ўдзеле Сярэбранікава заведама завышаліся колькасць і кошт мерапрыемстваў, якія праводзіліся ў рамках тэатральнага праекту "Платформа", а выдзеленыя міністэрствам культуры РФ грошы прысвойваліся.
Калі ў Канах аб'яўлялі аб рашэнні ўключыць новы фільм Сярэбранікава ў асноўную праграму фестывалю, стала вядома, што следчыя звярнуліся з хадайніцтвам у Басманны суд Масквы аб падаўжэнні на тры месяцы хатняга арышту рэжысёра.
"Паступіла хадайніцтва аб працягу хатняга арышту на тры месяцы, гэта значыць да 19 ліпеня, у дачыненьні да абвінавачанага Сярэбранікава", — цытуе прэс-сакратара Басманнага суду Масквы Юнону Царову агенцтва РІА "Новости".
Падоўжыць арышт следства папрасіла і астатнім фігурантам, якія праходзяць па справе.