МІНСК, 13 кра — Sputnik. Губернатары павінны надаваць развіццю спорту ў рэгіёнах не менш увагі, чым пасяўной кампаніі, такое даручэнне ў пятніцу даў прэзідэнт Беларусі Аляксандр Лукашэнка.
Кіраўнік дзяржавы ў пятніцу праводзіць вялікую нараду па развіцці зімовых відаў спорту. Падставай для такой сустрэчы сталі вынікі беларускіх спартсменаў на зімовай Алімпіядзе ў Паўднёвай Карэі.
Падчас свайго выступу Лукашэнка заклікаў актыўна займацца развіццём спорту не толькі спартыўных функцыянераў, але і губернатараў на месцах.
"Гэта іх хлеб і праца. Сапраўды гэтак, як пасяўная кампанія, сапраўды гэтак і спорт, якому мы павінны надаваць сур'ёзную ўвагу", — адзначыў Аляксандр Лукашэнка.
Урад і Адміністрацыя прэзідэнта павінны будуць па даручэнні прэзідэнта вызначыць крытэрыі, каб кожная вобласць прадэманстравала сябе ў летніх і зімовых відах спорту.
"І мы будзем даваць ацэнку рабоце губернатараў", — адзначыў прэзідэнт.
Паводле слоў Лукашэнкі, кіраўнікі рэгіёнаў не праяўляюць патрэбнай ініцыятывы і не займаюцца спортам.
"Вы што, самі не бачыце, што гэта мы павінны рабіць, гэта наша праца, здароўе людзей, у рэшце рэшт. Думаю, што гэта будзе апошняя наша размова з губернатарамі на гэтую тэму", — дадаў прэзідэнт.
Губернатары, упэўнены прэзідэнт, павінны ствараць умовы для развіцця спорту. Напрыклад, каб у пабудаваных лядовых арэнах і катках працавалі хакейныя школы і каманды, якія будуць удзельнічаюць у чэмпіянаце Беларусі ці іншых спаборніцтвах.