МІНСК, 14 кра — Sputnik. Хакейная каманда прэзідэнта Беларусі Аляксандра Лукашэнкі ў дзявяты раз стала пераможцай Рэспубліканскага аматарскага турніру, паведамляе Sputnik.
Другі матч фінальнай серыі XI Рэспубліканскага турніру адбыўся ў суботу на малой лядовай пляцоўцы спарткомплексу "Чыжоўка-Арэна". У барацьбе за галоўны трафей сышліся каманда прэзідэнта і дружына Мінскай вобласці. Перамогу з лікам 6:2 (1:0, 1:1, 4:1) святкавала каманда Лукашэнкі.
Нагадаем, у першым матчы, які адбыўся 7 красавіка ў Маладзечне, прэзідэнцкая лядовая дружына таксама святкавала вікторыю — 12:8.
Каманда Лукашэнкі ў дзявяты раз выйграла Рэспубліканскі турнір. Хакеісты Мінскай вобласці заваявалі срэбра, а бронза дасталася Гомельскай вобласці.
Па выніках турніру былі названыя лепшыя гульцы: варатар — Міхаіл Моцар (Гомельская вобласць), абаронца — Дзяніс Гроць (Мінская вобласць), нападаючы — Генадзь Савілаў (каманда Прэзідэнта Беларусі). Лепшым бамбардзірам стаў Павел Белы, які набраў 20 ачкоў па сістэме "гол + пас" (5 + 15).
Хакейная каманда Лукашэнкі перамагала на турніры ў 2008, 2010-2012, 2014-2017 гадах. Па разе чэмпіёнамі станавіліся хакеісты Гомельскай (2009) і Мінскай абласцей (2013 года).