МІНСК, 25 кра — Sputnik. Каля 30 кампаній аштрафавалі ў Беларусі за неліцэнзійнае праграмнае забеспячэнне Microsoft, паведаміла журналістам знешні юрыдычны кансультант кампаніі ў Беларусі Таццяна Ігнатоўская.
Першая справа аб выкарыстанні неліцэнзійнага праграмнага забеспячэння прайшла праз суд у снежні 2014 года. Падобныя справы разглядаюцца толькі па ініцыятыве праваўладальніка. Самы буйны штраф у гэтым выпадку складае 100 базавых велічынь — крыху больш за тысячу долараў. Шмат хто ў судзе настойваў на тым, што выкарыстоўваў легальны софт.
"Мінімальныя штрафы ў нашай практыцы былі толькі ў адносінах да суб'ектаў, якія прызналі віну і пагадзіліся з тым, што яны выкарыстоўвалі неліцэнзійны софт", — заўважыла Ігнатоўская.
Праваахоўныя органы імкнуцца не блакаваць працу суб'ектаў, у дачыненні да якіх праводзіцца адміністрацыйны працэс. Канфіскоўваліся толькі некалькі камп'ютараў для праверкі праграмнага забеспячэння.
За падобныя парушэнні прадугледжана не толькі адміністрацыйная, але і грамадзянска-прававая, і нават крымінальная адказнасць. Аднак на практыцы да крымінальнай адказнасці па такіх справах прыцягваюць рэдка.