МІНСК, 26 кра — Sputnik. Аварыйны мост праз Прыпяць у Жыткавіцкім раёне павінен быць адноўлены ўжо да 7 лістапада, паведамілі днём у чацвер у эфіры тэлеканала СТВ.
Зносіны паміж Жыткавічамі і Туравам па аўтатрасе Р88 Жыткавічы — вёска Гарадок — мяжа Украіны ўскладніліся ў снежні мінулага года, калі на цэнтральным пралёце моста была выяўленая расколіна, а само збудаванне прызналі аварыйным.
Як распавялі ў эфіры тэлеканала, мост праз Прыпяць павінен быць адноўлены ўжо да 7 лістапада — такое даручэнне ў чацвер у Мінску даў на нарадзе прэзідэнт Беларусі Аляксандр Лукашэнка.
Як паведамляў Sputnik, прэзідэнт даручыў намесніку прэм'ер-міністра Міхаілу Русаму ўзяцца за вырашэнне праблемы з мостам. Не выключана, што кіраўнік дзяржавы ў ходзе паездкі 26 красавіка ў Гомельскую вобласць праверыць, як вядуцца працы на аб'екце.
Раней у галоўным упраўленні аўтамабільных дарог Мінтранса агучылі, што рух па адрамантаваным мосце будзе адкрыты ў снежні 2018-га.