МІНСК, 24 мая — Sputnik. МІА "Россия сегодня" і агенцтва РІА "Новости Украина" трапілі ў новую версію санкцыйнага спісу Кіева, размешчанага на сайце ўкраінскага прэзідэнта Пятра Парашэнкі.
Санкцый шмат не бывае
Ва ўкраінскім сегменце інтэрнэту будзе заблакаваны доступ карыстальнікаў да наступных сайтаў:
- Россиясегодня.рф
- Sputniknews.com
- Ria.ru
- Rsport.ria.ru
- 1prime.ru
- Realty.ria.ru
- rian.com.ua
Згодна з рашэннем украінскага прэзідэнта будуць заблакаваныя актывы інфармацыйных агенцтваў. Таксама агенцтвам не будуць аказваць паслугі тэлекамунікацыі і адключаць іх ад сетак агульнага карыстання.
Ціск на журналістаў
Раней Служба бяспекі Украіны затрымала галоўнага рэдактара інфармацыйнага агенцтва РІА "Новости Украина" Кірыла Вышынскага. Услед за гэтым СБУ правяла ператрусы ў кіеўскім офісе агенцтва, прэс-цэнтры і нават у кватэрах журналістаў.
СБУ таксама распаўсюдзіла паведамленне, дзе гаварылася пра раскрыццё "сеткі медыяструктур, падкантрольных Расійскай Федэрацыі, якія выкарыстоўваліся ў рамках гібрыднай інфармацыйнай вайны супраць Украіны".
Гарадскі суд Херсона вынес Вышынскаму абвінавачанне ў дзяржаўнай здрадзе і арыштаваў яго тэрмінам на два месяцы. Цяпер яму пагражае турэмны тэрмін да 15 гадоў. На допыты ў СБУ выклікана больш за 40 журналістаў і супрацоўнікаў РІА "Новости Украина"
Расійская дыпмісія ў Кіеве патрабавала ад афіцыйных уладаў Украіны спыніць ціск на журналістаў і вызваліць Вышынскага.
Намеснік міністра замежных спраў Расіі Рыгор Карасін паведаміў, што ўладам Украіны была накіравана нота пратэсту, у сувязі з сітуацыяй, якая склалася вакол расійскіх СМІ.
Між тым Упраўленне ААН па правах чалавека зафіксавала рост супрацьпраўных дзеянняў у дачыненні да супрацоўнікаў СМІ, якія адбываюцца пры папушчальніцтве ўкраінскіх уладаў.