МІНСК, 31 мая — Sputnik. Аляксандра Сасновіч і кітаянка Дуань Ін'ін выйшлі ў 1/16 фіналу парнага разраду "Ралан Гарос".
Учора ў стартавым матчы беларуска-кітайскі дуэт абыграў румынска-украінскую пару Ганны Богдан і Вольгі Саўчук з лікам 6:3, 3:6, 6:1.
Напярэдадні стала вядома, што турнір пакідае экс-першая ракетка свету Вікторыя Азаранка. У паядынку першага раўнда Вікторыя саступіла чэшскай тэнісістцы Кацярыне Сіняковай.
Сёння Аляксандра Сасновіч (55-ы нумар сусветнага рэйтынгу) у другім раўндзе адзіночнага разраду згуляе з галандскай тэнісісткай Кікі Бертэнс (22), якая абыграла Арыну Сабаленку.