МІНСК, 4 чэр — Sputnik. Рэдакцыйны цэнтр у Афінах стаў дваццаць трэцім прадстаўніцтвам Sputnik за мяжой і адзіным расійскім інфармацыйным агенцтвам, якое працуе на грэцкай мове.
"У Грэцыі, як вядома, усё ёсць, але пастаяннага канала інфармацыі аб тым, што адбываецца ў свеце, з ацэнкамі і фактамі, які адрозніваецца ад еўрапейскага мэйнстрыму, не было. Мы гэта выправілі. Жадаю ўдачы нашым журналістам і віншую ўсіх з пачаткам работы Sputnik на грэцкай мове", — сказала галоўны рэдактар МІА "Россия сегодня" і RT Маргарыта Сіманьян.
"Гэта лепшы вынік праведзенага нядаўна года супрацоўніцтва Расіі і Грэцыі. Традыцыйна дружалюбныя сувязі дзвюх краін і народаў ужо даўно было пара дапоўніць сур'ёзным праектам у медыясферы", — адзначыў намеснік міністра сувязі і масавых камунікацый РФ Аляксей Волін.
Раней Sputnik праводзіў даследаванне, падчас якога высветлілася, што пераважная большасць грамадзян Грэцыі — 81% — зацікаўлены ў максімальна рознабаковай інфармацыі аб тым, што адбываецца ў краіне і свеце.
"Мы пачалі сваю працу для таго, каб паказваць жыхарам Грэцыі ўсю разнастайнасць ключавых сусветных падзей, а таксама распавядаць пра самыя цікавыя навіны ў краіне. У нашай камандзе працуюць мясцовыя журналісты, якія разумеюць, як рабіць выдатныя навіны. Мы спадзяемся, што з'яўленне Sputnik у Грэцыі задасць новыя стандарты для журналістыкі", — адзначыла кіраўнік Sputnik Грэцыя Рэгіна Хахлова.
Навінавыя стужкі Sputnik кругласутачна пастаўляюць інфармацыю вядучым выданням па ўсім свеце на англійскай, арабскай, іспанскай і кітайскай мовах. Аўдыторыя інфармацыйных рэсурсаў Sputnik складае больш за 50 мільёнаў наведвальнікаў, у 23 рэдакцыйных цэнтрах па ўсім свеце ад Токіа да Монтавідэа працуе звыш тысячы чалавек дзясяткаў нацыянальнасцяў. Sputnik уваходзіць у медыягрупу "Россия сегодня". Галаўны офіс Sputnik знаходзіцца ў Маскве.