Святкаванні з нагоды Дня шматнацыянальнай Расіі разгорнуцца ў Верхнім горадзе ў суботу 9 чэрвеня. Як пройдзе мерапрыемства і чым на ім можна будзе заняцца — шукайце ў афішы Sputnik.
Шоу, якім адкрыецца маштабнае свята, — паказальныя баі славянскіх воінаў каля сталічнай ратушы. Мерапрыемствы ў Верхнім горадзе ў гэты дзень будуць працягвацца з паўдня і да адзінаццаці вечара.
На галоўнай сцэне каля мясцовай канцэртнай залы на працягу ўсяго дня будзе гучаць музыка. Выступяць калектывы розных народаў, у ліку якіх дагестанскі ансамбль, рускі хор, татара-башкірскі фальклорны калектыў і многія іншыя. А творчасць казакоў у рамках свайго выступу пакажа выбітны расійскі калектыў — "Казачы курэнь".
Яшчэ адна пляцоўка для артыстаў будзе размешчана на скрыжаванні Музычнага завулка з вуліцай Герцэна: тут госці змогуць атрымаць асалоду ад народных музычных матываў і рускай паэзіі.
Забаўляльныя лакацыі, якія раскінуцца у розных кропках Верхняга горада, таксама пачнуць працу ў 12:00. Да прыкладу, у зоне з майстар-класамі мінчан і гасцей Мінска пазнаёмяць з рознымі рамёствамі: усіх жадаючых навучаць роспісу пернікаў і пляценню з лазы і саломы, ганчарнаму мастацтву і каванню, апрацоўцы бяросты і ткацтву на дошчачках.
Споты на спартыўнай пляцоўцы прапануюць гасцям пахваліцца сваёй сілай: наведвальнікі змогуць паспаборнічаць, перацягваючы канат і штурхаючы гіру, а яшчэ згуляць у гарадкі і не толькі.
У гэтым годзе да свята далучыліся яшчэ дзве зоны пэўнай тэматыкі: на адной з іх атрымаецца ўбачыць рэканструкцыю знамянальных падзей з гісторыі Расіі самых розных эпох, а на другой — даведацца пра гісторыю нацыянальных касцюмаў. Тут жа будзе працаваць "Татарскі намёт", дзе ўсім жадаючым прадэманструюць татара-башкірскія абрады і традыцыі, і зона, прысвечаная малавывучаным маршрутам па цікавых месцах у Расіі.
Таксама госці свята змогуць наведаць выставу расійскіх аўтамабіляў, паглядзець фільм у летнім кінатэатры і пракаціцца верхам на кані. Перакусіць можна будзе ў лакацыі "Вясёлка густаў": тут атрымаецца паспытаць стравы шматнацыянальнай Расіі; таксама будзе даступная палявая кухня, прапануюць прадэгуставаць духмяныя пернікі.