МІНСК, 11 чэр — Sputnik. Седан Geely будзе запушчаны ў серыйную вытворчасць у жніўні бягучага года, паведаміў у эфіры тэлеканала СТБ першы намеснік міністра прамысловасці, выконваючы абавязкі генеральнага дырэктара СЗАТ "БелДжы" Генадзь Свідзерскі.
Кошт гэтай мадэлі складзе не больш за 23 тысячы беларускіх рублёў.
"Мы плануем, што яна павінна выйсці на рынак прыблізна менш, чым 23 тысячы беларускіх рублёў", — сказаў першы намеснік міністра.
Новая мадэль у кузаве седан пачала выпускацца заводам у маі бягучага года і прайшла эксплуатацыйныя выпрабаванні. Першыя асобнікі, па словах Свідзерскага, з'явяцца ў дылерскіх цэнтрах у чэрвені, а ў серыйную вытворчасць аўтамабіль паступіць у жніўні.
"Першыя мадэлі, я думаю (першыя партыі прайшлі эксплуатацыйныя выпрабаванні), аддамо іх на нашы дылерскія цэнтры ў чэрвені. З улікам тэхналагічнага цыклу, пастаўкі камплектуючых з Кітая серыйна, увесь гэты мадэльны шэраг седанаў выйдзе ў жніўні", — заявіў ён.
На дадзены момант да выпуску запланаваны тры мадэлі аўтамабіляў: бюджэтны седан Geely, флагманскі NL-3 Atlas (вытворчасць якога была пачата ў лістападзе) і бюджэтны кросовер NL-4 (выпрабаванні завершаны ў сакавіку, на дадзены момант ён паступіў у продаж).
"Цяпер шэраг айчынных аўтамабіляў уключае ў сябе і кросоверы, і седаны", — адзначыў Свідзерскі.
Да канца 2018 года завод плануе выйсці на вытворчасць 2 тысяч аўтамабіляў у месяц. Па выніках 2019-га плануецца зрабіць 25 тысяч аўтамабіляў, у 2020-м — 35 тысяч. На праектную магутнасць прадпрыемства выйдзе ў 2021 годзе.