МІНСК, 19 чэр — Sputnik. Сорак самалётаў і верталётаў паднімуцца ў неба ў рамках святкавання Дня Незалежнасці, паведамілі ў эфіры тэлеканала АНТ.
Цэнтральнай падзеяй у рамках урачыстых мерапрыемстваў да Дня Незалежнасці, які 3 ліпеня адсвяткуюць у сталіцы ў 27-ы раз, стане парад войскаў; па праспекце Пераможцаў пройдуць больш за тры тысячы чалавек, таксама будуць задзейнічаны сотні лепшых узораў баявой тэхнікі.
Лётчыкі прадставяць на парадзе ўсе сучасныя мадэлі тэхнікі, якія стаяць на ўзбраенні краіны. Амаль паўсотні самалётаў і верталётаў праляцяць над сталіцай да месца параду — праспекта Пераможцаў.
"Паспрабуем, каб было маляўніча і прыгожа, як мы гэта заўсёды робім. Будзем спадзявацца, што не падвядзе надвор'е. Лётчыкі гатовыя, у часцях падрыхтоўка практычна скончаная. На наступным тыдні мы адправімся на аэрадром Мачулішчы, дзе будзем трэніравацца перад парадам", — распавёў намеснік камандуючага ВПС і войскамі СПА Беларусі Аляксандр Караў.
Таксама мінчане і госці сталіцы ўбачаць салют ад авіятараў на вышыні ў 250 метраў і яркі дымавы шлейф у колерах беларускага сцяга.