Вечары Вялікага тэатра ў замку Радзівілаў: як гэта было

Пляцоўкай штогадовага музычнага марафона традыцыйна быў Несвіжскі замак. У гэтым годзе фестываль наведалі больш за тры тысячы гледачоў.

Прэм'ера "Пятрушкі": легендарны дзягілеўскі балет на сцэне Вялікага

6 чэрвеня 2018, 13:56

У дні фестывалю ў Нясвіжскім замку гучала музыка Станіслава Манюшкі, Напалеона Орды, рамансы Міхаіла Клеафаса Агінскага, Сяргея Рахманінава і многіх іншых выбітных прадстаўнікоў музычнага мастацтва. Госці свята ўбачылі новы спектакль "Травіята" Джузэпэ Вердзі ў пастаноўцы рэжысёра Андрэйса Жагарса і фрагменты з культавых балетаў "Лебядзінае возера" і "Карсар".

Скончыўся фестываль канцэртам зорак оперы і балета, якія выканалі знакамітыя оперныя арыі і дуэты, яскравыя нумары з балетных шэдэўраў і шлягеры сусветнай музычнай спадчыны.

Падчас размовы з журналістамі дырэктар Вялікага тэатра Уладзімір Грыдзюшка нагадаў, што ў наступным годзе "Вечары" адзначаць сваё дзесяцігоддзе. Некалькі фестывальных праграм абавязкова будуць прысвечаны кампазітару Станіславу Манюшку, юбілей якога будзе адзначаць увесь музычны свет.

Глядзіце ў фотастужцы Sputnik, як у Несвіжы прайшоў грандыёзны музычны марафон опернага і харэаграфічнага мастацтва.

1 / 16

Беларускі Версаль у дзевяты раз прыняў прыхільнікаў класічнай музыкі, оперы і балета.

2 / 16

Традыцыйна мерапрыемствы прайшлі на некалькіх пляцоўках: у Фарным касцёле, Театральным замку Радзівілаў і на галоўнай сцэне - ва ўнутраным двары.

3 / 16

Рэпетыцыі не спыняліся ні на хвіліну.

4 / 16

У фестывалі прымалі ўдзел зоркі харэаграфічнага і опернага мастацтва.

5 / 16

У Нясвіжскім замку гучала музыка выбітных прадстаўнікоў музычнага мастацтва.

6 / 16

Гледачам прапанавалі яскравыя нумары з балетных шэдэўраў.

7 / 16

Госці свята ўбачылі новы спектакль "Травіята" Джузэпэ Вердзі ў пастаноўцы рэжысёра Андрэйса Жагарса, фрагменты з культавых балетаў "Лебядзінае возера" і "Карсар" і многае іншае.

8 / 16

У наступным годзе фестываль будзе адзначаць дзесяцігоддзе.

9 / 16

Частка праграмы будзе прысвечана кампазітару Станіславу Манюшку, юбілей якога адзначыць увесь музычны свет.

10 / 16

Па словах генеральнага дырэктара Вялікага тэатра Уладзіміра Грыдзюшкі, гэты фестываль быў прысвечаны юбілею музея-запаведніка "Несвіж".

11 / 16

У другі дзень фестывалю салісты Юрый Гарадзецкі і Ілля Сільчукоў (на фота) выканалі ўнікальную праграму "Чатыры стагоддзі беларускай вакальнай музыкі".

12 / 16

Завяршылася музычнае свята 24 чэрвеня канцэртам зорак оперы і балета.

13 / 16

Госці свята пачулі знакамітыя оперныя арыі і дуэты і шлягеры сусветнай музычнай спадчыны.

14 / 16

За дырыжорскім пультам у дні фестываля былі Мікалай Калядка, Іван Касцяхін і Андрэй Галанаў.

15 / 16

Свята опернага і харэаграфічнага мастацтва карыстаецца папулярнасцю ў беларусаў.

16 / 16

У гэтым годзе фестываль наведалі больш за тры тысячы гледачоў.