Пачынаючы з 22 чэрвеня — гадавіны пачатку вайны — на сайце Мінабароны РФ можна азнаёміцца з раней засакрэчанымі дакументамі ваеннага часу — самым першым савецкім баявым загадам ад 22 чэрвеня 1941 года, падпісаным начальнікам Генштаба Георгіем Жукавым, а таксама з загадамі і данясеннямі камандзіраў воінскіх часцей і злучэнняў, якія першымі прынялі на сябе ўдар нямецкіх войскаў.
Акрамя таго, упершыню ў шырокім доступе апынулася і трафейная карта нямецкага плана "Барбароса", дзе падрабязна паказана размяшчэнне ў савецкіх межах груповак нямецка-фашысцкіх войскаў і пазначаны запланаваныя напрамкі асноўных удараў Вермахта ў першыя дні вайны.
Вялікая Айчынная вайна з'яўляецца самай важнай, сістэмаўтваральнай для нашай памяці гістарычнай падзеяй 20-га стагоддзя і, мабыць, усёй нашай гісторыі, адзначыў у гутарцы на радыё Sputnik палітычны эксперт Уладзімір Шапавалаў.
Па словах суразмоўцы, у перыяд, калі ветэраны, на жаль, сыходзяць ад нас, асабліва важна, каб гэтая злучальная нітка, якая замцоўвае нашу гістарычную памяць, захоўвалася. Акрамя таго, у апошнія гады і дзесяцігоддзі прасочваецца дастаткова відавочная тэндэнцыя да таго, каб перагледзець вынікі Вялікай Айчыннай і Другой сусветнай вайны.
"Гэта тэндэнцыя да рэваншу з боку тых сілаў, якія гэтую вайну прайгралі. Асноўныя тэмы, якія цяпер ўкідваюцца і фальсіфікуюцца, гэта тэма пачатку вайны, тэмы Пакта Молатава-Рыбентропа і нібыта саюза СССР і фашысцкай Германіі. Гэта тэма незлічоных ахвяр у вайне, якія нібыта сталі следствам слабасці СССР і негатовасці яго да ваенных дзеянняў, і пазіцый савецкага кіраўніцтва, якое нібыта не цаніла жыццё простага чалавека ", — сказаў Шапавалаў.
У цяперашні час, на жаль, з'яўляецца ўсё больш фэйкавай інфармацыі і ілжэсведчанняў пра падзеі вайны, сказаў палітолаг. У гэтай сувязі апублікаванне дакументаў аб ВАВ асабліва каштоўна, паколькі сапраўдныя гістарычныя факты могуць стаць падмуркам у абароне гістарычнай памяці.
Рэспубліка Беларусь 3 ліпеня адзначае галоўнае дзяржаўнае свята — Дзень Незалежнасці, прымеркаваны да важнай гістарычнай даты. У гэты дзень у 1944 годзе падчас наступальнай аперацыі "Баграціён" ад нямецкіх войскаў быў вызвалены горад Мінск.
Каментар палітолага Уладзіміра Шапавалава слухайце на радыё Sputnik Беларусь.