Салдаты, тэхніка і "Папялушка": як прайшоў ваенны парад 3 ліпеня ў Мінску

Беларусь 3 ліпеня адзначае свята Незалежнасці. Кожны год у гэты дзень у сталіцы праходзіць ваенны парад з удзелам тэхнікі і авіяцыі.

У гэтым годзе арганізатары парада падрыхтавалі для гледачоў шэраг навінак. Акрамя новых супрацьтанкавых ракетных комплексаў "Шэршань" і робата "Багамол", які распрацаваны для барацьбы з танкамі, упершыню ў гэтым годзе ў маршавай калоне прайшла "жаночая каробка".

Дзяўчыны-вайскоўцы, якія прымалі ўдзел у парадзе, прайшлі строгі "кастынг". Прыгажунь адбіралі не толькі па знешніх дадзеных, але і па паказчыках на службе.

У парадзе бралі ўдзел і замежныя госці — вайскоўцы з Кітая, а расійскія самалёты і верталёты разам з беларускімі праляцелі ў святочным небе над Мінскам.

Пасля вайскоўцаў і тэхнікі гледачы маглі назіраць тэатралізаванае прадстаўленне "Мой родны кут", якое і завяршыла ўрачыстую частку. Пасля чаго ў сталіцы разгарнуліся народныя гулянні.

1 / 16

Ваенны парад прайшоў у Мінску ў гонар Дня Незалежнасці Беларусі.

2 / 16

На парад акрамя мінчан і гасцей горада прыйшлі і сведкі падзей Вялікай Айчыннай вайны.

3 / 16

На жаль, ветэранаў з кожным годам становіцца ўсё менш, таму яны - найбольш жаданыя госці на трыбунах.

4 / 16

Міністр абароны Беларусі генерал-лейтэнант Андрэй Раўкоў вітае вайскоўцаў.

5 / 16

Падчас урачыстых мерапрыемстваў да беларусаў традыцыйна звярнуўся прэзідэнт Аляксандр Лукашэнка.

6 / 16

Парад адкрылі вайскоўцы ў форме Вялікай Айчыннай вайны.

7 / 16

Затым прайшла "каробка" гасцей з Кітая - вайскоўцы прыбылі спецыяльна для ўдзелу ў парадзе.

8 / 16

Упершыню ў гэтым годзе ў парадзе прынялі ўдзел дзяўчыны - прычым такі гонар выпаў толькі лепшым.

9 / 16

Падчас праходжання "каробкі" адна з дзяўчын страціла туфель, аднак яна не пакінула строй і прайшла перад трыбунамі ў складзе калоны.

10 / 16

У парадзе бралі ўдзел і бронемашыны, падораныя Беларусі Кітаем. На фота - браняваныя аўтамабілі "Цмок".

11 / 16

За ваеннай тэхнікай перад гледачамі праляцелі самалёты і верталёты.

12 / 16

Паглядзець на парад, нягледзячы на дождж, сабраліся тысячы мінчан і гасцей горада.

13 / 16

Сярод гледачоў былі і замежныя госці.

14 / 16

Ваенную частку парада завяршыла выступленне салдат роты ганаровай варты.

15 / 16

А пасля ваенных перад трыбунамі прайшлі ўдзельнікі святочнага шэсця "Мой родны кут".

16 / 16

Гледачы ўбачылі гербы ўсіх беларускіх гарадоў. Пасля завяршэння шэсця афіцыйная частка была скончаная.