МІНСК, 5 ліп — Sputnik. Беларускі кампазітар і аўтар песень гурта "Песняры" Алег Моўчан стаў прэзідэнтам Еўразійскай канфедэрацыі таварыстваў праваўладальнікаў (ЕАКТП), паведаміла прэс-служба арганізацыі.
Пасяджэнне генасамблеі ЕАКТП адбылося ў сераду 4 ліпеня.
"Прэзідэнтам канфедэрацыі быў абраны Алег Моўчан — кампазітар, аўтар шматлікіх хітоў, якія ўславілі групу "Песняры" і іншых папулярных артыстаў і калектывы", — гаворыцца ў паведамленні ЕАКТП.
На пасяджэнні таксама быў пераабраны склад прэзідыума канфедэрацыі з прадстаўнікоў дзяржаў — удзельніц ЕАКТП (Расіі, Беларусі, Арменіі, Азербайджана, Казахстана і Кыргызстана). У яго ўвайшлі народныя артысты Расіі Ігар Бутман і Ігар Крутой, казахскі выканаўца Асылбек Абдулаў, азербайджанская мастачка Гюнай Мехдзізадэ, заслужаная артыстка Беларусі Ірына Дарафеева і іншыя.