Падчас мерапрыемства былі выкананыя меры супрацьпажарнай бяспекі: вогнішча ачапілі, а побач стаяў чалавек з вогнетушыцелем.
"Гэта Купалле ў нашым комплексе другое, першы раз мы адсвяткавалі яго ў мінулым годзе. Для нас вельмі важна адрадзіць традыцыі, таму ў нас заўсёды адзначаюць Калядкі і Масленіцу, а зараз і Купалле", — распавяла Sputnik дырэктар культурна-гістарычнага комплексу "Залатое кальцо горада Віцебска "Дзвіна" Алена Чарных.
Паводле яе слоў, на свята ў гэтым годзе прыйшло прыкладна ў два разы больш людзей, чым у мінулым. І гэта вельмі добра, значыць, людзі цікавяцца сваімі традыцыямі.
Для жыхароў горада падрыхтавалі цікавую праграму з запальнымі танцамі, майстар-класам па пляценні купальскіх вянкоў, выступам клубаў гістарычнай рэканструкцыі, навучанню стральбе з лука і, натуральна, спальванню пудзіла.
"У мінулым годзе мы проста ладзілі вогнішча, але потым знайшлі інфармацыю аб тым, што на Купалле часам спальвалі пудзіла", — дадала Чарных.
Праграма мерапрыемства была разлічана на чатыры гадзіны і скончылася а поўначы карагодамі і скачкамі праз вогнішча, якое засталося пасля спалення пудзіла, а разам з ім і ўсяго дрэннага.