Упершыню эксперыментальная батарэя "Кацюш", якой камандаваў капітан Іван Флёраў, паказала сваю моц пад Оршай — рэактыўныя мінамёты ўдарылі па нямецкіх войсках, якія рыхтаваліся нанесці ўдар па Смаленску.
Ніхто не можа дакладна сказаць, адкуль з'явілася назва "Кацюша". Верагодней за ўсё гэта звязана з маркай "К" — устаноўкі БМ-13 вырабляліся на заводзе імя Камінтэрна ў Варонежы. Яшчэ адзін варыянт, які таксама падаецца лвгічным — па назве папулярнай у той час песні.
Немцы вельмі баяліся "Кацюш" і празвалі іх "сталінскім арганам" — за характэрны гук, які выдавалі рэактыўныя снарады, якія ляцелі на іх пазіцыі. Разлікі "Кацюш" прымалі ўдзел ва ўсіх буйных аперацыях савецкіх войскаў і заўсёды наводзілі жах на ворагаў, наносячы велізарную шкоду.