МІНСК, 21 ліп — Sputnik. Прахадныя балы для залічэння на ўсе спецыяльнасці эканамічнага факультэта БДУ выраслі ў параўнанні з мінулым годам, паведамілі ў прэс-службе ВНУ.
Самы высокі прахадны бал 376 быў на "эканамічную інфарматыку", а летась абітурыентам для залічэння на гэтую спецыяльнасць было дастаткова набраць 364. На спецыяльнасць "менеджмент" (напрамкі — міжнародны менеджмент, інавацыйны менеджмент) прымалі абітурыентаў, якія маюць не менш 373 балаў, а у 2017, каб стаць студэнтам гэтага кірунку, было дастаткова 367. На "фінансы і крэдыт" залічвалі з 370 прахаднымі баламі (у 2017-м годзе — 356). Выраслі прахадныя балы і па іншых спецыяльнасцях гэтага факультэта.
На юрфаку на частку спецыяльнасцяў, у прыватнасці на "правазнаўства" прахадныя балы сталі вышэй — 355 супраць 347 у мінулым годзе. На частку спецыяльнасцяў "эканамічнае права" і "паліталогія" сёлета паступіць прасцей. Паліталогія "прасела" на 60 балаў. Для залічэння на гэтую спецыяльнасць дастаткова было мець 322 балы, тады як у мінулым годзе патрабаваліся вялікія 382.
Прахадныя балы на спецыяльнасць "інфармацыя і камунікацыя" факультэта журналістыкі змяніліся нязначна. Калі ў мінулым годзе для залічэння трэба было набраць 367 балаў, то ў гэтым дастаткова 366.